Það er komið á hreint. Eftir 7 daga og 6-7 klst. fer ég af landi brott. Það er leiðinlegt að fá ekkert að hitta ykkur í allt sumar en við bætum það upp í byrjun september.
6 á ströndinni!
Og í sex manna herberginu... ég hlakka alveg voðalega mikið til.
Þangað til verður internetið að vera okkar aðalsamskiptavettvangur (það er að segja milli mín og ykkar).
Við sjáumst í lok ágúst :D

Jæja, en ætli við finnum ekki eitthvað út úr því.
Við verðum nú að gera etthvað skemmtilegt eftir prófin.
Ég ákvað að koma hingað aftur með eitthvað, ég er búin að vera hálfsambandslaus síðustu viku og þann litla tíma sem ég var í sambandi nennti ég ekki að blogga. En nú er ég komin aftur (í bili a.m.k.).
Og eitthvað finnst mér að þessi helsti stuðningsaðili okkar hafi frekar lítið látið sjá sig, hmmm...

Já, Unnur er greinilega helsti stuðningsmaður þessarar síðu ;op En nú skulum við vera duglegar að skrifa hérna inn, þar sem við verðum ekki einu sinni sex á landi í allt sumar! En mér þykir leitt að segja ykkur það að það á að selja sumarbústaðinn :o( Þannig að við verðum að finna nýjan vettvang fyrir fríið eftir prófin á næsta ári!

Sælar,
ég er komin til Reykjavíkur og hef það ágætt. Ég var að kíkja á MA-póstinn og áttaði mig þá almenilega á því að eftir aðeins 82 daga hittumst við í Leifsstöð. Komst líka að því að þetta verður laaangt flug en að því loknu verðum við komnar að Miðjarðarhafinu.
Þetta verður æðislegt.
Gaman að sjá Valdísi vera komna hingað og já, þetta er miklu einfaldara fyrir okkur Unu að muna eftir að skrifa hérna inn, bara óþarfa vesen fyrir ykkur hinar ;op

Hellú... hvað segir fólkið... vitið þið að ég held að ég viti hvers vegna þið skrifið oftast hérna inn á vegna þess að þið eruð hvort eð er alltaf að signa ykkur inn á blogger.com og þá kemur þessi síða í valmöguleika fyrir ykkur... en við hinar erum annars staðar. en ég mun að minnsta kosti reyna að kíkja hérna inn, sérstaklega þar sem nú fer ég kannski oftar í tölvuna með það að markmiði að fara að skrifa.. en takið ykkur smá pásu til að spá aðeins í kenningu minni :) ég held að við verðum að taka Unni Helgu á orðinu.. hún hljómaði eins og hún væri æst í að hald lífinu í þessari síðu :) en nú hef ég lítið meira að segja... það mun kannski vera eitthvað meira þegar Inga er farin suður og þetta mun vera aðal upplýsingastreymið okkar á milli :)en eitt samt.. það er fínt að vera í fríi en mér er strax farið að leyðast og ég á tvo dadga eftir ... :S
Bæjó

Ég er að læra undir jarðfræðipróf, síðasta prófið er á morgun. Það eru ýmsar áhugaverðar athugasemdir og staðreyndir að finna í glósunum mínum.
T.d. þegar verið var að fjalla um sýrstig í regni:
"[Sýrustigið í Víti er í kringum 3 (lifir ekkert nema túristar)]"
Og svo var verið að fjalla um notagildi kísilgúrs og þar stóð eitthvað um það að kíslgúr væri notaður til að fótbrjóta roðamaura.
Þetta getur orðið svolítið sérstakt, en það er bara gaman að því.

Ég nenni þessa stundina ekki að læra, þessi próftíð er búin að vera aðeins of löng fyrir minn smekk.
Ákvað að tjá mig aðeins hérna. Hvernig finnst öllum hinum að vera komin í sumarfrí?
Ég er að fara í bíó í kvöld, Harry Potter. Ég get varla beðið.
En ætli maður verði ekki að snúa sér að jarðfræðinni þangað til.