Le neuf février

Enn held ég áfram, til einskis? Svarið þið mér.

En í dag er afmælisdagur stúlku sem við þekkjum allar og elskum (just as she is)!

Til hamingju með 23 ára afmælið Helga Valborg Steinarsdóttir. Þú ert gömul, hoho!

Afmælisbarnið og greinarhöfundur sumarið 2006

Minning: Þegar við fórum í sameiginlega Skeifu- og Uglu/Álfa útilegu í Valhöll. Helga nýbúin að taka við sem sveitarforingi og við létum stelpurnar skrifa eitthvað um okkur á þvottaklemmur í föndrinu. Þar sem þær þekktu Helgu afar lítið, og voru því ekki búnar að kynnast hinum gríðarmörgu kostum hennar, sættust stúlkurnar að lokum á: "Það er góð lykt af þér." Haha!

Ammælisbörn!

Vegna útlandaferðar og prófa og almenns annríkis hef ég ekki fundið mér tíma til að gera þetta fyrr en nú... og reyndar er ég enn í prófum en hey procrastination is my middle name!

Dagana 23. nóvember og 14. desember 2007 urðu þessar fallegu stúlkur 22 ára! Til hamingju með það elskurnar!

Valdís

Þórunn

Muniði...

... þegar Valdís sagði okkur að hún væri ólétt! :o)

... þegar Þórunn tók þátt í Ungfrú muninn.is ;o)

Jæja, nú er ég farin að læra!

Jólin, já ég sagði jólin!

Hey görls!

Ég er að fara til New York á fimmtudaginn, liggaliggalái!

En ég er nú ekki (bara) að skrifa þetta til að monta mig. Ég hef nefnilega hugsað mér að reyna að versla jólagjafir þarna í útlandinu og auðvitað eruð þið í top 10 á jólagjafalistanum! Þannig að, ég væri vinsamlegast til í að þið gæfuð mér einhverja hugmynd um efnisleg gæði sem myndu gera jólin ykkar fullkomin, því ég sætti mig ekki við neitt annað en hina fullkomnu jólagjöf! (Jólaandi hvað?) Ef einhver treystir sér alls alls ekki til þess að gefa eitthvað upp, sem ég er nánast viss um, sætti ég mig við vil-alls-ekki-fá-lista, svo ég geti allavega beitt útilokunaraðferðinni.

Plís stelpur.

Og já, minning... hmmm. Muniði þegar við vorum að labba úr Fálkafelli eftir útilegu og djúsbrúsinn rann af stað. Þrátt fyrir að sumir hafi gert hetjulega tilraun til að bjarga honum hvarf hann og hefur enn ekki fundist!

Ást frá mér til ykkar yfir sjó og land.

9. október 2007

Ég stend mig í stykkinu sem endranær! Í dag, þann níunda október tvö þúsund og sjö fagnar þessi þokkafulla "þýska" mær 22 ára afmæli sínu:

Til hamingju með daginn Inga mín! Ég ætla að tileinka þér minninguna af því þegar við héldum sörpræs partý fyrir þig áður en þú fluttir út. Ég hélt ekki andlitinu betur en svo að ég opnaði dyrnar hlæjandi og kom með mjög lame lygi um að ég hefði dottið í stiganum... eh. Svo borðuðum við heimagerðan bragðaref mmm!

Hvað á þetta að þýða?

Nú er liðin vika síðan að ég ákvað að setja inn afar vafasama færslu hérna, aðallega til þess að reyna að kalla fram einhver viðbrögð hérna. En það er ekki nóg með að ég hafi ekki einu sinni fengið comment frá Unu eins og venjulega en allir hinir, sem ég lagði til að myndu missa aðgang að síðunni sögðu ekki neitt. Engin mótmæli.
Voðalega gengur þetta illa hjá ykkur.

Breytingartillaga 0701

Hérmeð legg ég til breytingu á högum þessarar bloggsíðu.
Legg ég til að notandaaðgangur verði takmarkaður niður á einungis tvo notendur.
Þessir notendur verði valdir samkvæmt virkni á síðunni undanfarið, m.ö.o. þeir tveir notendur sem skrifað hafa flestar færslur og athugasemdir fá að halda sínum aðgangi meðan aðrir verða að láta sinn af hendi.

Og nú legg ég þessa breytingartillögu til atkvæðagreiðslu.

Nýr mánuður, ný færsla

Ég ákvað að smá lífi þyrfti að blása í þessa blessuðu síðu... það hefur ekkert gerst síðan í færslunni okkar Unu nú í byrjun júní.
Annars var ég á ættarmóti í Skagafirði um helgina og skemmti mér konunglega. Ég var samt að telja og komst að því að ég á bara fjórar helgar eftir. Þar af verð ég á Húsavík eina (um mærudaga) og síðan er verslunarmannahelgin, en þá var ég að hugsa um að vera norður á Akureyri. Nema þið hafið allar ákveðið að fara til Eyja eða eitthvað, þá væri það kannski ekki gáfulegasti kosturinn. Því var ég að velta því fyrir mér hvernig hlutirnir litu út fyrir ykkur það sem eftir er sumars.

Þvílíkt framtaksleysi!

Þið eruð nú meiri ræflarnir! Ekki nóg með það að þið skrifið ekki færslur heldur kommentið þið ekki heldur! Þórunn er mesti ræfillinn... loooooser! (Una)

Una er duglegust. Hún er sú eina sem svarar öllum færslum frá mér. (Inga)

Öllum færslum frá ÖLLUM. (Una)

Það er kannski ekki að furða, þar sem að bloggin ykkar hafa heldur ekki verið mjög virk undanfarið (síðasta færsla hjá Þórunni heitir "nu er det julen igen"). Kominn tími á nýtt efni! (Inga)

Við Inga sitjum hér í Ásgarði í góðum fíling. Elduðum dýrindis máltíð... átum á okkur gat og leið eins og sönnum Skottum! Svo horfðum við á Spiderman 3, get ekki sagt að ég mæli með henni. Í dag dró ég hana með mér í skátaheimilið að hjálpa til við póstaleik. Getiði hvað við erum að fara að gera í fyrramálið? Fara í skátaheimilið að hjálpa til við póstaleik hehe ;o) (Una)

Það var samt æðislegt að koma inn í skátaheimilið. Ég hef ekki komið þangað síðan við fórum í forsetamerkið, góðar minningar (átti ekki minning að fylgja hverri færslu?) (Inga)

Jújú Inga, það er rétt. Forsetamerkið er afar góð minning. Muniði hvað við vorum pirraðar þegar konan truflaði samtal okkar við Jóhann Gunnar. Kona sem nú gegnir miklu virðingarembætti. (Una)

Oh, hún var svo pirrandi. En að minnsta kosti sáum við holuna hans Jóns Hreggviðssonar. Og baðið var æði! (Inga)

Jæja, kannski kominn tími á að slútta þessu. Mun hvort eð er enginn kommenta á þetta nema ég og kannski Inga! How sad. (Una)

True true, en hvað getur maður gert? (Inga)

Góða nótt.

Níu dagar...

...og ég fer í flugvél yfir hálft Atlantshafið og kem til Íslands.
Ég hlakka ekkert smá til.
Ég tek lest til Køben og flýg þaðan til Keflavíkur. Ég lendi þar klukkan 20.55, þann 31. maí. Og ég er farin að hlakka ekkert smá til. Það verður svo gaman að hitta ykkur aftur.

9. febrúar 2007

Í dag er vert að fagna því að þessi yndislega stúlka, Helga Valborg Steinarsdóttir, hefur náð 22 ára aldri. Til hamingju, með það gamla!

Og þá er það minning. Ég geri mér grein fyrir því að hún hefur komið fram áður, en só sorrý, þetta er bara besta Helgu-afmælistengda minningin! Jebb, það er rétt... minningin er þegar ég kom linsulaus í afmælið and history was made. Frasar eins og "afsakaðu ljótu peysuna sem ég er í," "sjáðu flottu sokkana mína" og "hvar eru gúrkurnar" munu lifa í hjörtum okkar alla tíð. Lifa lengur en skálarnar 5 sem mættu þarna örlögum sínum...

Til að bæta upp fyrir að endurnýta þarna minningu kem ég með aðra: þegar við fórum beint af Morfískeppni í afmæli til Helgu og Unnar og neituðum að segja þeim úrslitin... því þau voru skrifuð inn í afmæliskortin! (ógeðslega fyndnar)

voðalega fínt..

DD tölvufatlaður...

Hmm, ég vildi að ég kynni að setja myndbönd af youtube hérna inn, því að ef ég kynni það myndi ég gera það. Og ég er með eitt doldið fyndið í huga, þannig að þið eruð frekar óheppnar að mín tölvukunnátta er ekki betri en þetta.
Ce La Vie

Ó 1. bekkur...

Sjáið þessi litlu börn! Jiminn! Góðar stundir indeed.

Stelpur, ég elska ykkur.

Og ég vil ekki að þessi síða láti lífið.

Knús frá Capital City.

Takk elsku Valdís og Þórunn og Una (og Unnur) fyrir að deila jólahátíðinni með mér. Takk elsku Inga fyrir að ætla að eyða með mér dögum í London eftir viku, viku, eftir viku er ég búin í prófum!

Minningin mín: þegar ég var nýbúin að fá bílprófið, fyrst af okkur öllum, og við fórum í crazy bíltúr í 10-11 að kaupa gotterí og enduðum heima hjá Þórunni... Fyrsti bíltúrinn, versti bílstjórinn...

Hæ hó jibbí jei!

Ég er greinilega að halda lífinu í þessari síðu hm hm. En ástæðan fyrir því að ég skrifa hér í dag er sú að þessi yndisfríða snót (skrifaði fyrst snút hoho) er árinu eldri:


Til hamingju með daginn elsku Tóta mín! Loksins jón jafn gamall og allir aðrir ;o)

Minningin er þegar við bökuðum væmnustu köku í heimi og færðum Þórunni á afmælinu hennar. Hjartalaga kaka með skærbleiku piparmyntukremi og hlaupkossum!

23.11

Nú er klukkan meira en tólf, sem þýðir að þessi yndisfríða snót er orðin árinu eldri!

Joyeux anniversaire!

Happy birthday!

Til lykke með fødselsdagen! (?)

Til hamingju með afmælið!

Og nú kann ég ekki meir :o)

Í tilefni af þessu ætla ég að koma með minningu um það þegar við fórum í afmælisútilegu í Gamla á (held ég) 16 ára afmælinu hennar Valdísar. Í fyrstu var ferðin eins og léleg hrollvekja, þar sem við gátum ekki kveikt í kamínunni og sátum allar í hnipri úti í horni, myrkfælnar og hrollkaldar. Eftir utanaðkomandi aðstoð hýrnaði yfir samkomunni og við átum og töluðum og átum og töluðum og töluðum og töluðum eins og okkur einum er lagið! Ég held að þetta sé ein af mínum uppáhaldsminningum :o)